Mir findet die hütigi Tag zum eine wunderschön und zum andere tüüf truurig, natürlich! Euises grossartigschte RCE-Mitglied het sis Glück gfunde und zieht aber leider it Innerschwiiz. Ja mit em Mäsche münd mir jetzt einiges mit em Seeclub Sempach teile: De grösschti RCE-Baumeischter, namentlich isch er de Entwerfer und Bauer vom Stübli, vom Chraftruum, vo de Garderobe, vom Steg und vom Garte, also eigentlich vom ganze huere Ruderclub. Er isch de beschti und de treuschti Regattebegleiter gsi während ungefähr gfühlte 1000 Jahr. Er isch 135-fache Langlauflagerleiter und en passionierte Choch. Und gliichziitig, da möged sich nur na wenig dra erinnere, de beschti Shot-Runde-Usgeber wos jemals geh het.
Aber zum Glück verlüred mir dich ja nöd, will mir 24 sind dir unendlich dankbar für alles wo du für de Club gleischte hesch, gmacht hesch und au na mache wirsch. Mir freued euis riisig, dass du mit de Monika dini Sunneblueme vom Lebe gfunde hesch und wünsched eui beidne vo tüüfschtem Herz alles, alles Gueti uf euiem gmeinsame Weg.
Bis jetzt hesch du Mäsche jewiils de Club-Ehrigspokal müsse gstallte für Albert Aeberli, Christian Rissi und wer de gugger au alles suscht na. Das isch jetzt leider ned gange, drum hemmer das selber it hand gna. Het eventuell öpper i dem Boot per Zuefall de Mäsche-Monika-Ewigi-Legende-RCE-Ehrigspokal debi?
Jaaaaaaaaaaa, da, da isch er!!!!
Mäsche, Moni, Mäsche, Moni, Mäsche, Moni, Mäsche, Moni, Mäsche, Moni, Mäsche, Moni!
